Isaac Toast (朗豪坊) (已結業)

今日去旺角，谂都唔使谂就决定去Isaac食吐司， Isaac呢我之前去韩国旅行系必食，就算之前喺SOGO开Pop up store, 甚至去澳门旅行，我都要专登去食。最初唯一担心呢就系香港个价钱会贵过喺韩国食好多，因为佢开系朗豪坊呀嘛。但系出奇地价钱呢就真系几合理㖞。好似我今日嗌嘅依个火腿蛋吐司，都系30几蚊，同韩国嘅价钱都系差唔多嘅。因为系现场即时整嘅关系呢，可能就会等得耐啲，今日呢我就等咗大概差唔多20分钟先食到。但系唔需要担心嘅，因为间餐厅喺档口帮嘅foodcourt入面,你揾个靓位坐定定，叹住冷气等绝对唔系问题。未打开个袋啊已经问咗𠮶种蛋同芝士嘅香味，佢嘅面包呢系好松软，加上呢牛油，芝士蛋同埋火腿，食完个口呢仲会有浸芝士嘅香味，真系做到齿颊留香，绝对唔系夸张，你咬完一口之后呢，就会不自觉咁样想咬第二口。佢嘅份量呢，够两个人分食下午茶，同韩国嘅味道呢系差唔多。去旺角行街嘅各位，一定要去试试。