Sodam Chicken (已結業)

一向都钟意食香口嘢，炸鸡更加系首选。但人少始终唔够过瘾。今日有机会多DD人。一于食炸鸡！最后一致赞成去连锁店(唔系KXC)，于韩国开设70间分店的Sodam Chicken韩式炸鸡专门店。黄金咸蛋炸鸡餐牌上列明系限量供应，就试下佢。真系好好好好食！外表与一般炸鸡差不多，金黄色。但味道系几倍咁好食。外皮非常香脆，加上牛油煮香既咸蛋黄完全渗入炸粉，真系无得输。鸡件内面保持非常Juicy, 再加上系无骨鸡件。太太太好食了。辣味炸鸡一样系无骨鸡件。炸鸡件上面淋上香辣酱汁，食完第一啖觉得唔够辣，正想认叻之际，辣味从喉咙涌上嚟，绝对有料到，非常过瘾。呢个送酒一流。鱼串汤味道有少少似日本既关东煮。韩国酱油汤底，加入鱼板和大量蔬菜提味。值得试下。芝士薯条呢个同一般西餐厅做法唔同。并唔系加芝士喺面再焗，而系用浓浓既芝士粉代替。薯条保持到干身、香脆。Apple Cider 食炸嘢配啤酒，又系𠮶三个字 - 无得输。下次要约多次，要全部唔揸车。一定更加尽庆。