Terrace in seaside (又一城)

营业中

休息中

Happy Sunday同妈咪一齐去又一城行街，远远就见到橘橙色嘅Terrace in Seaside劲可爱，原来系嚟自韩国过江龙嘅品牌！.➜招牌济州柑橘乳酪 & 抹茶柑橘蜜露冰热辣辣嘅天气梗系一落单就嗌返杯透心凉嘅饮品嗌！妈咪超满意呢杯抹茶柑橘蜜露冰，由新鲜嘅柑橘果汁配上抹茶，香浓嘅抹茶令沙冰冇咁甜，更易入口中；而用特调柑橘果蓉同希腊乳酪调配嘅招牌济州柑橘乳酪，散发满满嘅柑橘清香，仲可以饮到果肉𠻹！劲解暑呀！.➜韩国蛳蚶拌饭蛳蚶鲜甜弹牙、啖啖鲜味嘅拌饭加入韩式辣酱，少少辣味更加开胃，店员仲介绍可以将拌饭夹喺紫菜同紫苏叶中间，为拌饭增加一份青新嘅香气。.➜水原式牛肋骨酱炸鸡味道咸香带甜嘅水原式酱汁，满满嘅酱汁包裹热辣辣嘅无骨炸鸡，啖啖肉大满足！.估唔到食咗两个主食已经饱饱哋，但都忍唔住食埋甜品呀！.➜士多啤梨蜜糖窝夫一层又一层松软嘅窝夫，加埋满满嘅士多啤梨果酱同鲜忌廉，唔止吸睛，仲好好味𠻹！.➜梦幻雪糕布朗尼香浓嘅雪糕Brownies结实嘅质感令口感更加有层次，仲可以淋上咖啡液，令每一啖都充满咖啡香味。