影片
更多
2017-09-12
2875 浏览
之前趁着同朋友一齐有假放就去咗铜锣湾行下街，中午来行街之前就去食个午餐，就想食韩国嘢，BBQ Chicken呢间野之前去韩国玩都见到呢个标签，证明真系过江龙唔系流嘢㖞！入去之后睇睇餐牌，选择都几多！就谂返起之前去咗食嘅金沙虾球，呢个白金沙炸鸡＄148有10只仲要系限量供应。未黎嘢食之前，首先有前菜萝卜同埋泡菜～白金沙炸鸡果然外皮做得好香脆，好粉嘅感觉。里面的鸡肉同时好鲜嫩同埋保持左里面嘅水份，不过两个人食嘅话10件就真系比较多，建议三至四个人先至叫会比较好🤣隔离仲有一啲已经炸过嘅叶（可以食）。酱牛花卷$68（16件）本身谂住拣蟹肉花卷，点知暂停供应，咁就唯有拣过第二样，牛都唔错。里面啲牛肉唔会太有松肉粉嘅感觉，整体做得几好，细细旧但系饭粒都几软熟够水份，唔会太硬。而且里面除咗牛之外，亦都有萝卜、青瓜同埋芝麻、所以配搭辣酱系口感非常丰富。紫薯雪山＄63通常紫薯都系中伏，不过今次就真系「明知山有虎、偏向虎山行」试一试佢。来到个紫薯味道真系非常之紫薯，而且雪山啲冰都算系幼细，不过当然都有少少大粒嘅，不过咁大旧都好难避免冇可能全部都整得咁均一。分量都系好大，仲要隔离有啲蓝莓都几健康。由于选择转
之前趁着同朋友一齐有假放就去咗铜锣湾行下街，中午来行街之前就去食个午餐，就想食韩国嘢，BBQ Chicken呢间野之前去韩国玩都见到呢个标签，证明真系过江龙唔系流嘢㖞！
入去之后睇睇餐牌，选择都几多！
就谂返起之前去咗食嘅金沙虾球，呢个白金沙炸鸡＄148有10只仲要系限量供应。
未黎嘢食之前，首先有前菜萝卜同埋泡菜～
白金沙炸鸡果然外皮做得好香脆，好粉嘅感觉。里面的鸡肉同时好鲜嫩同埋保持左里面嘅水份，不过两个人食嘅话10件就真系比较多，建议三至四个人先至叫会比较好🤣隔离仲有一啲已经炸过嘅叶（可以食）。酱牛花卷$68（16件）
本身谂住拣蟹肉花卷，点知暂停供应，咁就唯有拣过第二样，牛都唔错。
里面啲牛肉唔会太有松肉粉嘅感觉，整体做得几好，细细旧但系饭粒都几软熟够水份，唔会太硬。而且里面除咗牛之外，亦都有萝卜、青瓜同埋芝麻、所以配搭辣酱系口感非常丰富。
紫薯雪山＄63
通常紫薯都系中伏，不过今次就真系「明知山有虎、偏向虎山行」试一试佢。
来到个紫薯味道真系非常之紫薯，而且雪山啲冰都算系幼细，不过当然都有少少大粒嘅，不过咁大旧都好难避免冇可能全部都整得咁均一。分量都系好大，仲要隔离有啲蓝莓都几健康。
由于选择转餐牌内食物可以加＄12就可以饮梳打，我哋就要每人拣咗一个梳打，一个系青柠梳打，一个系香桃梳打。
都几清新，虽然唔知点解两个表面都系有一片柠檬，夏日炎炎最啱就系饮呢啲梳打类嘅特饮！如果钟意饮酒嘅话就可以试吓呢个餐牌嘅饮品。
张贴
