新麻蒲 BBQ (新都會廣場) (已結業)

冇钱去韩国旅行，唯有食下韩国野过下瘾啦一入到去，环境干净阔落，几好。翻开menu，都几多野食，主食有伴饭、部队锅、冷面。不过今日我既目标都系去韩国一定要食既酱油蟹。两个人嗌左一个酱油蟹、酱油虾同埋鸡汤韩式酱油腌生蟹拌饭 蟹肉好嫩，配佢另外比既酱油，劲有鲜味。同一齐既伴饭，出乎意料地好食，超多料，就咁食都已经好满足，夹埋蟹肉，正呀！韩式酱油鲜虾 一碟都几多只下，有成6，7只，抵食。啲虾好多肉地，啖啖肉。不过呢个酱油虾同酱油蟹一样味，建议虾同蟹简其一就好啦，留返啲胃口食其他野。鲍鱼参鸡汤 因为实在太钟意饮鸡汤，黎到呢度都忍唔住嗌左。呢个鸡汤成半只鸡，同埋最期待既鲍鱼。鸡汤容易入味，饮完唔会口渴，鸡肉煲到好冧，鲍鱼爽口，呢煲鸡汤好足料。另外仲嗌左两杯野饮Shark Attack Cocktail（无酒精） 一上枱，劲大杯，鲨鱼装住汁，倒落去杯野饮度，好似流血咁，玩味十足。Cocktail Rita- Fly High (无酒精）士多啤梨沙冰做底，然后上面插左支苹果汽水，越饮，个苹果味就越重，因为个苹果汽水既比例越多。