HANA Korean Restaurant

营业中

休息中

冻冰冰天气真系好想食热嘢，呢间韩国街嘅粥店啱晒我心意，专门食釜山粥、乌冬，特登叫老公同我去食😆泡菜章鱼粥 $128初时怕粥会比较淡味，见到呢款泡菜粥嘅相颜色好靓，就拣咗。一上枱热辣辣，香喷喷，泡菜好味得来唔会好辣，配上好似糊仔嘅粥，非常之好味，章鱼粒都好食，但系就略嫌少咗啲😆粥里面有好多蔬菜小粒，少少爽口之余，又营养丰富。泡菜五花腩鸟冬 $118乌冬卖相啱晒打卡，泡菜五花腩系分开上，整体几精致㗎。泡菜五花篮惹味就不在话下，五花腩肥瘦啱啱好，薄片一口一件有泡菜中和油腻，好好味，配搭比较青嘅热辣辣烟韧汤乌冬，绝配。韩牛饺子 $82饺子用半煎炸形式炸得金金黄黄，食落好脆口，皮薄馅靓，满满嘅牛肉馅料充满肉汁，沾上特别调制嘅饺子汁真系食到舔舔脷。