韓鍋酒舍

营业中

休息中

餐厅位于湾仔，装潢仿照韩国总店，以古典深色木材为主调。品牌已喺首尔开业40年，主打解酒汤同牛肠火锅，另有几款特色香港限定菜式。平日晚上到访都满座，想食嘅建议早啲去🤣 落单后会送上前菜，可无限添加，微微辣度几开胃。其中之一款香港限定嘅系饺子解酒汤，内脏汤底搭配巨型牛肚饺子，皮煮至软身，馅料饱满，后劲带香辣，醒胃效果一流。如果唔食得辣嘅亦可以要解酒年糕片汤，汤底清甜，年糕软糯可口，搭配紫菜、鸡蛋丝等可添加口感。除此之外呢度仲有多款暖笠笠汤锅，当中牛蹄汤就比较少见，骨胶原十足，奶白色汤底，味道清淡，难怪店员会建议落埋旁边嘅调味料。牛腩汤有足料韩牛，搭配面条同白饭唔觉唔觉就清晒。最后唔好唔记得叫埋个解酒煎饺子，热辣辣上，薄身皮脆内馅多，一个人都可以食到八件。