食道樂 (嘉華大廈) (已結業)

今日系荃湾享和街整完车，顺便食个午饭，太耐冇去韩国，太挂住韩国美食，经过呢间韩国小店，细细间，约10个座位，入面店员都系讲韩文，识少少广东话，睇黎应该都系几正宗既韩国菜。店员先上韩式小菜，泡菜超好食，仲可以买走。辣炒猪肉盖饭 猪肉腌得好惹味，肉质非常软熟，配埋洋葱、萝卜丝，蛋一齐食，真系好正，只系微辣，唔食得辣既我都冇问题。海鲜嫩豆腐汤 (配白饭) 呢个豆腐汤超浓味，同之前去韩国食既一模一样，配料超多，有青口、虾、八爪鱼，金菇，当然唔少得豆腐，豆腐超级滑，配埋白饭真系可以食哂一碗。