小火焰韓式咖啡廳 (金山樓) (已結業)

今日同大家推介呢间好有韩国 style嘅餐厅，佢有种类繁多嘅菜式，好似有炸鸡类、一啲石头饭、仲有好多韩国嘅特色菜式佢都有，睇到你花多眼乱，如果拣唔到佢有啲套餐俾你选择，好似我哋咁𠮶日就拣咗个二人套餐，抵食得来又可以帮你选择下，我哋𠮶餐有一个前菜，三个主菜，仲有甜品同埋两杯嘢饮，首先讲吓个前菜，香芒炸鸡沙律，啲芒果好甜，炸鸡唔会太过多粉，啲菜沙律非常新鲜，酸酸地好开胃，之后个韩烧猪颈肉，烧得啱啱好，面头有啲韩式酱汁，点嚟食非常好食，至于个肥牛粉丝锅，成个锅啲粉丝入晒牛味，牛肉又唔会太过烟韧，另外，𠮶个牛肉水冷面更加系夏天好嘢食，成个面冻冰冰，啲面又好爽，消暑一流，值得一题系佢个嘢饮，我加钱叫咗一个青苹果热情果梳打，呢个梳打非常好饮，有浓烈嘅青苹果同埋热情果味道，成个感觉都好清新，食完晒所有嘢，梗系要食个甜品做结尾啦，佢个牛乳奶冻，好好食唔会太甜又有牛奶嘅味道，值得一试。