梨泰院 (愉景新城) (已結業)

今日去愉景睇完家品，随便食好西，发现呢度有间餐厅个名同今年年头好hit嘅韩剧同名，睇落应该唔错，就决定食佢啦。😍😍😍入到去已经发现我无拣错，成间餐厅嘅风格由壁画到餐具都好韩🥳🥳净系坐低饮杯野都值回票价😛当然我唔止嗌咗两杯特别嘅野饮，蓝色cocktail同菠萝梳打，仲嗌咗三样好韩嘅野食🤣🤣🥔薯仔炖排骨锅 （星期一至四半价）嗌前都挣扎咗一阵，惊食得好论尽，结果证明系杞人忧天🤪薯仔同排骨都炖得好腍，尤其排骨用筷子一夹就松骨，好够味，份量唔少，排骨有六旧，而且旧旧肥瘦适宜🤤🐔韩式炸鸡系我哋食咗大半煲排骨上菜，唔知系咪安排好嘅，但我好钟意咁嘅上菜速度~😋炸鸡我哋拣咗原味和甜辣，原味搭配蜜糖芥末酱，甜辣就有阵玫瑰香味，好淑女，加咗酱依然香脆，可惜无嗌到啤酒，残念🥺🥺🥢韩式炒粉丝几乎台台必嗌嘅韩式炒粉丝，一上台就闻到麻油香劲惹味，炒得好有镬气，粉丝入味烟韧配上爽脆杂菜，真系会食唔停口🙈🙈最后饱到上心口都系食唔晒要打包。🤪埋完单走，门口嘅姊姊仲系好热情好有礼貌咁送客，成个用餐体验，真系好似去咗转韩国咁~😚😚😙