影片
更多
2023-03-14
36 浏览
韩国料理就食得多啦，韩式Fine Dining 就真系第一次试，上星期五就去咗一家高级韩国料理晚餐，一入门口就比佢落地玻璃个景色吸引住，对正维多利亚公园，啱啱维园又有花展，所以望落去啲灯好靓🥰Tasting menu $1480 有9个course,其中包括韩牛、炸海苔、猪肉及人参鸡汤等传统韩国菜式,但系用新嘅方法演绎出嚟😋🥗炸海苔：炸海苔系韩国传统小吃，餐厅以特制酱汁烹调，海苔新鲜炸起，口感非常之酥脆，再配埋佢𠮶个三色豆腐酱，点埋一齐食，咸香十足👍🍣韩国刺身:有左口鱼、72小时酱油大虾、吞拿鱼：佢呢个刺身同日本刺身嘅分别就系，所有嘢都用酱油腌过，所以唔使再点其他汁料已经好好食，尤其系𠮶个酱油大虾非常之鲜甜新鲜👍🍲韩国粥Deul Kkae-Juk呢个粥真系分量十足，非常之多料，有当做蔬菜、有韩牛、有鲜蚬肉，再配以好靓嘅韩国大米，原来佢系用咗15小时去煲嘅，唔怪得咁软绵，咁香滑，仲好鲜甜。🍲Han-Ip韩式章鱼片、橡子果冻：个样超靓，听到果冻个名就以为系甜品，其实佢系咸嘅，橡子果冻仲切到好似个花咁，好巧手工好靓，配埋呢个果冻仲有一个鳕鱼籽炸豆腐，豆腐个炸酱超薄，入口即溶，完全系考厨师功夫
Tasting menu $1480 有9个course,其中包括韩牛、炸海苔、猪肉及人参鸡汤等传统韩国菜式,但系用新嘅方法演绎出嚟😋
🥗炸海苔：
炸海苔系韩国传统小吃，餐厅以特制酱汁烹调，海苔新鲜炸起，口感非常之酥脆，再配埋佢𠮶个三色豆腐酱，点埋一齐食，咸香十足👍
🍣韩国刺身:
有左口鱼、72小时酱油大虾、吞拿鱼：佢呢个刺身同日本刺身嘅分别就系，所有嘢都用酱油腌过，所以唔使再点其他汁料已经好好食，尤其系𠮶个酱油大虾非常之鲜甜新鲜👍
🍲韩国粥Deul Kkae-Juk
呢个粥真系分量十足，非常之多料，有当做蔬菜、有韩牛、有鲜蚬肉，再配以好靓嘅韩国大米，原来佢系用咗15小时去煲嘅，唔怪得咁软绵，咁香滑，仲好鲜甜。
🍲Han-Ip
韩式章鱼片、橡子果冻：个样超靓，听到果冻个名就以为系甜品，其实佢系咸嘅，橡子果冻仲切到好似个花咁，好巧手工好靓，配埋呢个果冻仲有一个鳕鱼籽炸豆腐，豆腐个炸酱超薄，入口即溶，完全系考厨师功夫嘅菜👍
🐓 韩式参鸡汤烩饭
用人参鸡汤煮嘅Risotto, 估唔到咁好味，伴碟仲有啲参片，经理上菜前仲会拎一个好靓嘅香水樽喷唧落啲人参饭到，原来入边系装咗啲人参酒，呢个fushion菜式我非常之欣赏, 食落好香参味，又补身👍
🥟海鲜清汤配烤釜山鲍鱼
将个清汤打成泡泡，泡泡入口即化，口感特别，清汤鲜甜，鲍鱼煮到好入味好爽口一啲都唔靭😋
主菜(1)Jan Chi
韩国顶级一++韩牛
顶级韩牛肉质细嫩，脂肪分布均匀，肉质鲜嫩多汁，入口即溶，口感绝佳。赞👍
(2)36小时慢煮黑毛猪五花
黑毛猪肉以酱汁慢煮后，口感鲜嫩多汁，肉质细嫩，食时配上韩式紫苏叶，包埋一齐食，味道更好😋
jinSu-Sung Chen釜山珍珠米
经理特别介绍呢个唔系一般嘅饭，而系佢哋特别挑选一间釜山自家农田种嘅珍珠米，唔怪得个饭推出嚟果下好隆重咁，个饭真系好香饭味，配埋48小时鳗鱼汤及5种特色伴菜，简单但真系高质，米饭口感软糯，鳗鱼汤浓郁滋味，伴菜够新鲜，绝对值得推荐！
甜品🍮
糯米年糕窝夫饼配自家制雪糕，呢个窝夫饼入边系有年糕喺中间，食落好香口，好烟靭，软软绵绵。配埋个雪糕简直系绝配。
总结：高级韩国绝对值得一试。每一道菜都感受到大厨倾尽心力烹制而成，味道精湛高质。如果你想试下正宗高级韩国料理，这家餐厅绝对啱你👍👍
张贴
