影片
更多
2016-04-03
1138 浏览
近期韩国嘢好hit，朋友讲左好耐话想食芝士锅，但我又想食部队锅，所以去左呢间可以一次过满足哂我地嘅三清洞摩西。因为约左九点几系钻石山睇戏，所以预早d食饭，六点度到餐厅，只有几枱客人，环境唔错，座位都阔落。餐厅好多韩国侍应，不过好彩佢地都识讲英文，而且态度唔错。前菜，有d似日本腌萝卜，酸酸地，好爽脆。睇睇menu其实呢间嘢都唔平，拣最平嘅组合都要约$170一位，不过好日唔食一次唔紧要喇。虽然话想食部队锅，但见到有咁多款拣又想试下新嘢，结果拣左烤肉海鲜锅，不过其实佢味道同部队锅差唔多，系d料唔同。影相只见到一只青口，其实系沉哂底，海鲜味道不过不失，青口细只左d，鱿鱼无乜味，但烤肉好够味，煲左好耐仲有香烤嘅味道。炸饺子同紫菜卷，不过两样入面都系粉丝…早知试午餐肉或者鱼饼……无得倾，一定要食拉面，仲要加芝士！朋友唔食𩠌，系咁食拉面，结果搞到我唔够食要叫多份。面有咬口，唔会好易稔，好快好入味，不过加一个要$25，系贵左少少嘅。差唔多食完个煲先发现呢间嘅推介其实系年糕，不过无惊喜。口感同味道都同出面无乜分别，唔系软绵绵，味道好淡。食完个煲，侍应会自动上炒饭，当然又系有芝士果只，不过呢次嘅芝士味反而
因为约左九点几系钻石山睇戏，所以预早d食饭，六点度到餐厅，只有几枱客人，环境唔错，座位都阔落。餐厅好多韩国侍应，不过好彩佢地都识讲英文，而且态度唔错。
前菜，有d似日本腌萝卜，酸酸地，好爽脆。睇睇menu其实呢间嘢都唔平，拣最平嘅组合都要约$170一位，不过好日唔食一次唔紧要喇。虽然话想食部队锅，但见到有咁多款拣又想试下新嘢，结果拣左烤肉海鲜锅，不过其实佢味道同部队锅差唔多，系d料唔同。
影相只见到一只青口，其实系沉哂底，海鲜味道不过不失，青口细只左d，鱿鱼无乜味，但烤肉好够味，煲左好耐仲有香烤嘅味道。
炸饺子同紫菜卷，不过两样入面都系粉丝…早知试午餐肉或者鱼饼……无得倾，一定要食拉面，仲要加芝士！朋友唔食𩠌，系咁食拉面，结果搞到我唔够食要叫多份。面有咬口，唔会好易稔，好快好入味，不过加一个要$25，系贵左少少嘅。差唔多食完个煲先发现呢间嘅推介其实系年糕，不过无惊喜。口感同味道都同出面无乜分别，唔系软绵绵，味道好淡。食完个煲，侍应会自动上炒饭，当然又系有芝士果只，不过呢次嘅芝士味反而无煲果只咁浓，可能系个煲好浓味，盖过左炒饭个味。饭量其实得一碗，所以唔怕食完个煲食唔哂，紫菜味好劲，如果有d饭焦仲正。
除左menu嘅嘢饮，仲有提子汁、梨汁同薏米水拣。薏米水系个伏，薏米质感有d怪，好似咬唔开咁，味道偏甜，似马蹢水多d。反而梨汁清甜，有果渣，多左d口感。不过真系好细罐，个煲食到一半已经饮完咁滞，唔够解渴。
埋单两个人三百几，食到好饱，再多d人食仲正，隔离枱四个人食，餐厅上菜时用左个好似镬咁大嘅煲，好有大镬饭feel。最后温提，个煲好浅身，夹面时小心弹到手或者衫，如果餐厅可以比条围巾仔就perfect嘞。
张贴
