首首.韓式小館 (已結業)

环境5分：西餐厅嘅格局，楼面都算几高，灯光足够，非常之有格调，卡位就最阔最舒服，枱橙又得意，冇得挑剔，满分。卫生5分：连Ｄ餐具都干净到发光，都系满分。服务5分：服务员都好好人，会主动介绍下午茶套餐最抵，又会话你知边Ｄ系招牌菜，落单快手，上菜又爽手，Ｄ污漕碟又清得快，满分。味道5分：1)      香烤蒜粒酱油鸡翼有六只鸡翼加十二粒蒜头。鸡翼层皮好脆，个甜汁刚刚好，Ｄ蒜头唔油又够香，好食畀五分。2)      四块自家制虾饼好有韩国feel，炸得够香口就唔再话下，个虾饼爽到呢，一Ｄ都唔油果下先够坚，点埋果个秘汁真系超级好味。3)      普通Ｄ啤酒都冇乜嘢好讲，但系果杯韩国生啤只不锈钢杯嘅保冻度超强，杯啤酒冻到争D要等一阵先可以饮，要再加分！抵食4分：环境好，服务好，嘢食又好，咁嘅价食个韩式下午茶好ＯＫ，可以畀四分。