韓家韓國料理 (已結業)

沉晚去观塘行街女朋友话想食韩国野我谂谂下就话不如去呢间韩家试下因为啱啱先收完佢张传单黎好似几抵食咁入到去间餐厅唔算大座位都唔多但都尚算宽敞舒服望一望个menu比我地见到个劲笋放题「韩家炸鸡任食」138包一杯野饮包沙律仲要有成六款口味真系想起都兴奋因为我同女友都唔食得辣所以就叫左四款口味唔辣既炸鸡另外再叫多个水冷面四款口味入面我同女友都比较喜欢柚子蜜糖汁甜得黎同炸鸡又好夹顺带一提佢个炸鸡质素唔错外脆内嫩满满肉汁野饮方面我叫左个红枣蜜梳打好香同埋入面真系有好多红枣肉而我女友就叫左个热清净园红醋酸酸甜甜都几开胃另外佢个水冷面都几高水准碗面够味够冻够爽连埋爽脆青瓜丝同水梨丝一齐食简直一流