Kim's Bowl (遠東金融中心) (已結業)

喺金钟返工，日日食大快活都食到好厌倦，最近先知原来 Kim’s Bowl 喺远东金融中心开咗分店，主打韩式便当🍱外卖。呢度有传统嘅韩式拌饭，韩式便当同埋紫菜包饭等等。呢度有自家制嘅茶饮同泡菜，可以直接买一樽返office慢慢叹，好方便。韩式拌饭会附上一包辣酱用嚟捞饭，有唔同嘅蔬菜同埋蛋，感觉好健康。而辣酱辣度适中，唔会辣得好over，有少少酸辣咁，所以食得会好开胃。拌饭既配料份量都足够捞晒成碗饭，牛肉几香软唔会过un。而照烧鸡肉便当🍱有多款配料，包括韩式粉丝、莲藕、泡菜，同鸡肉。我自己几欣赏佢嘅泡菜，虽然比较辣，但口感爽脆。鸡肉嘅酱汁唔错，香口惹味。