ZAN CHEE (新城市廣場一期) (已結業)

遇到呢间韩式便当店Zan Chee，咁啱又好想食韩国野，于是就系度买个便当返屋企食啦。我今次点嘅系Chicken Dosirak ($75)，系鸡肉便当，个鸡系新鲜整，超香超美味，鸡油令整体入口味道非常完美。另外当然唔少得韩式前菜，有黑豆、泡菜、天妇罗虾、粉丝紫菜卷、蘑菇、鹌鹑蛋、西兰花。啲饭仲有红米添！非常健康。净系食前菜已经觉得多姿多彩，味道丰富。餐牌除左便当原来仲有生肉可以点，下次屋企韩烧可以黎呢度买。