牛知己 (已結業)

夏天前最后岀击，打边炉！系元朗呢间牛知己打边炉系韩式既，试下都好㖞！离远已经见到个门口，间舖好大，楼底好高，坐位又阔，去过旺角食放题既人一定知，D位又迫又窄，呢度真系无得输。好，睇下食咩餐先。我地选呢个极牛加海鲜放题，百零蚊有海鲜，算系甘。韩式泡菜锅，少少酸酸辣辣甘，好开胃。呢度送食物都系自动化，海鲜送到了，青口都好大粒下。极牛同豚肉都好靓仔，色泽红润新鲜，食落肉味重，正！特牛同五花腩就有少少脂坊，食落就口感滑D，特别系五花腩，唔好以为好肥，食落系爽既，呢个好好食。减肥既人要食，唔使减肥既人更加要食！美国鸡腿肉，用黎打边炉一d都唔差，仍然食到鸡肉果种嫩滑。系岀面可以自己拎配菜同肉丸，个酱汁区，真系要讲下，款式同平时食既好唔同，个辣椒酱油好有韩味，而且酱汁够浓，唔稀。饮品款式都算多，仲有牛奶布丁，豆腐花，抹茶雪糕等等既甜品。