炑八韓烤 (MegaBox) (已結業)

又系让领导先行嘅日子，今日老细就带路去megabox 间炑八食lunch。呢间铺需然开起后门，但lunch 成日都好多人排，等咗两三个字，入得去。起等嘅期间我已经决定好食咩喇。入到去，店员就将啲小食前菜摆晒系枱面度，有腌青瓜，泡菜，大豆芽，仲有昆布汤。除咗昆布汤同大豆芽系比较清淡之外，其他嘢都好甜。虽然你见到泡菜张相好红，你会觉得佢会好辣，但系结果系唔太辣嘅，连我呢个唔食得辣嘅人都觉得唔辣而且好甜，佢真系唔辣得去边。好啦主菜嚟到，我叫咗芝士泡菜五花拌饭。卖相其实都OK嘅，佢个锅就好似Pepper Lunch𠮶个铁锅咁烧到好热，所以只蛋嘅蛋白都熟熟地。我就趁佢未动之前就将佢全部捞匀晒佢。捞匀晒之后个卖相就好似一堆X咁，主菜嘅泡菜同前菜嘅泡菜有啲唔同，主菜嘅泡菜会辣啲。五花篮有啲烟韧，佢切到薄薄地地所以加埋热锅啲热力，整体都好热好辣口。而饭侒珍珠米，都干身。 $60 免加一黎讲起megabox 都叫做平喇，系有啲觉得太甜。野饮要加$8以上，好贵，冇加到。题外话，佢系一间韩烧铺嚟嘅，所以呢有啲人会喺度食紧烧肉，佢个抽风系统就唔系几得啦，好大浸烧肉味，令人觉得好唔自在。