家家戶戶

营业中

休息中

金巴利街俗称🇰🇷韩国街，有唔少韩国人住，开咗唔少韩国杂货店同韩国料理餐厅。今次揾到一间韩式小店，套餐好多一百蚊左右。晚饭时间要排队入座。餐厅传统韩国家庭装潢，家庭式料理，环境舒适，坐满食客享受正宗韩国美食。🐮韩式牛肉石头饭$109呢个石头锅饭上嚟时系热腾腾，将生蛋黄配料捞埋一齐，锅底有D饭焦，香脆可口。牛肉切得薄薄，腌得好入味，配上新鲜嘅蔬菜和鸡蛋，口感层次丰富。🦑韩式海鲜炸酱捞面 $119呢碟炸酱捞面睇落就好似上海粗炒，浓郁嘅炸酱，色泽较深，味道浓厚，面条弹牙，食到有虾仔、蚬肉同埋墨鱼圈，口感保持得不错。多款套餐组合，有前菜泡菜、海带汤、仲有支韩国益力多做甜品。