Haru Haru (已結業)

今日响呢头开工, 例必开工前食D野, 同同事行行下, 佢话不如食呢间, 因为间铺个名吸引佢, 叫"Haru Haru", 哦...同BigBang首歌一样, 唔怪啦.坐低左睇下有咩款式先, 韩式主要既炸鸡, 年糕等都有, 连部队锅都有, 见隔离枱5-6个人食一锅, 我得两个人都系留番下次. 而且呢度免收加一, 确系唔错.今次食得简单D, 要左"紫菜卷"($32), 切左都有成12旧, 份量够晒.饭一粒粒够咬口, 配料有蛋丝, 火煺丝, 西芹丝, 红萝卜丝, 黄瓜丝等, 食落好爽口够清新, 如果觉得淡, 佢有个汁, 个汁咸咸地调下味, 味道不俗."无骨炸鸡-原味"半只($79), 懒人一族所以要无骨, 食落啖啖肉. 外皮炸到够香脆, 但唔觉油腻, 亦唔觉皮下有层油, 鸡肉够嫩滑, 仲有个酱酸酸甜甜, 非常开胃. 份量亦好多."韩酱炒年糕"($68), 食落唔算劲辣, 刚刚好啱晒唔食得太辣既人, 年糕软硬适中, 烟烟韧韧, 似响韩国食果D, 仲有韩式鱼蛋, 泡菜, 蛋就配料. 每样材料都沾满左酱汁, 辣辣地有带点韩酱味.饮品试左"韩牌菠萝汁"($15), 睇左成个罐都系韩文字, 应该都系直