韓屋

营业中

休息中

今日再次出到黎尖沙咀同朋友食饭，都有一段时间冇食啲韩国菜，今次就揾左Hanook试一试。一入到黎被粉红灯包围都有啲迷幻感。今日两个人只系叫左3道菜，第一味就系一个小食蒸泡菜饺子。平时多数我都系食到蒸中式饺子，但最近泡菜饺都好多人食，泡菜既辣同口感系令到饺子多左一种体验，呢到蒸完出黎唔会令泡菜好似汤饺咁变得太淋，中间仲有啲汁，做得唔错。下一样系肉食人参鸡汤，听闲人参鸡系韩国人系夏天最热时食既食品，香港最近咁热就岩晒。呢到个人参鸡煮得好淋，连骨头都好似溶开黎一样，鸡既精华都走晒出黎，可以系个汤到饮晒鸡同人参既精华，都咪话唔补身。原味拌饭bibimbap系今餐主食，将所有调好味道既伴菜捞埋牛肉、辣酱同饭，口感同味道既层次都会一下子提升，系个拌饭入面辣酱都系一个带黎刺激既重点，加上淡淡既麻油香，bibimbap的确系韩国饭中一个吸引人既菜式。总结今日店员服务不俗，同时食品都系传统韩式菜式，有机会大家都可以黎试下。