Terrace in seaside (德福廣場1期)

营业中

休息中

今日去咗Terrace in seaside 九龙湾德福分店，餐厅内有柑橘树装饰好靓，令人感觉很清新，打卡影相一流！餐厅成日都有唔同主题，今期新品系以番茄为主题，推出新品原个蕃茄沙律配胡麻酱同番茄薄荷苏打，餐牌另外仲有好多选择，主食甜品都出色。原个蕃茄沙律配胡麻酱卖相出众，原个番茄新鲜多汁，入口酸甜清新，配搭沙律菜同杂果很有口感，加入胡麻酱提升咗味感，开胃又好味。神话猪脚紫苏拌饭呢个菜式有惊喜！用竹蓝呈上，很有韩国济州风格，白饭捞咗特制韩式辣酱，有微辣口感，猪脚份量满足，肉质软冧入味，猪皮Q 弹富有骨胶原，好好味。酱烧牛肉饭卷佢卖相出众，色彩缤纷。用咗好多沙律菜伴盘，仲有一旧甜橙，中间有红萝卜、烤牛肉、烧玉子，酸菜，口感层次丰富。饭后甜品食咗Lotus 焦糖芝士甜蜜满屋窝夫即叫即整，双层窝夫充满蛋香，卖相好吸引，佢上面铺满奶油同芝士，用Lotus饼同新鲜生果做点缀。济州柑橘乳酪signature drink，用柑橘扣在杯上做装饰，乳酪口感绵滑而且充满柑橘味，酸酸甜甜很开胃。柚子柠檬梳打清新爽口，柚子味突出，加入柠檬片，卖相唔错。