新沙洞大排檔 (大政街)

营业中

休息中

经过大角咀见到有间走新派复古风嘅韩式大排档，以江南style酒馆装修，好特别，平日夜晚门口亦大排长龙，等咗一阵先有位。小食试咗脆炸韩式紫菜卷同埋甜薯芝士条，韩式紫菜卷沾左薄薄既浆汁炸，外脆内软，几特别；甜薯芝士条口感烟靭，仲食到甜甜嘅味道。每次去韩国餐厅都一定叫韩式炸鸡，今次试咗半份新沙洞炸鸡 - 柚子味，鸡炸得好脆，肉质保持有肉汁，柚子既酸甜中和返油腻感。主食试左宫廷炖牛肋骨锅（2-3人份），用炉热住，冬天食一流，汤好清甜，饮完吾觉得口渴，牛肋骨肉质好软腍，配料仲有红萝卜，白萝卜、葱等等，非常高质。韩式炸酱面面质Q弹，有好多猪肉粒，酱汁味道甘甜。甜品要左养生既蜂巢特饮 - 草莓牛奶配蜂巢特饮（2人份），牛奶入面有士多啤梨碎粒，口感滋润仲饮到少少蜂蜜甜味。甜品要左黑糖蜜黄豆粉麻薯刨冰，超级大碗，黑糖味突出，配料小丸子非常烟靭。