影片
更多
2024-01-20
532 浏览
难得闲日放假，去到新世纪广场行街买波鞋，行到攰攰地就揾嘢食。见到一间新开张既餐厅，装修呀都好靓，仲行简约路线，路过见到佢杯饮品有成个菠萝同埋成个橙喺上面好得意，所以就被吸引咗入去试吓食。餐厅个名叫做Terence in seaside，个名呢就好有外国嘅味道啦，但系原来食物系走韩风嘅。一坐低呢，有少少开胃嘅前菜。而餐牌方面，设计睇得出好用心，喺类似期刊咁样嘅刊物。我哋首先拣左个小食—酥脆鸡胸软骨，食落去同我哋平时一般食开嘅鸡软骨好唔同，上边有少少肉同埋有条直身既软骨，食完唔会成口油，仲有爽脆既鸡软骨口感，配埋炸浆好酥脆，热辣辣亲热好好食呀。之后我哋叫咗个炸大鱿鱼拌炸酱面，卖相真系一流啊，好似成只鱿鱼坐住系上面咁，打卡无敌。而佢个面呢都几好同炸酱都好夹，而且鱿鱼炸得金黄通透，好酥脆松软，份量又岩岩好。跟住叫咗个韩国蛳蚶拌饭，呢个我哋完全唔识食，开头以为就咁捞埋一碟啦，但原来呢系佢俾咗紫菜同埋啲紫苏叶我哋包住嚟食嘅，一个菜式，两种食法，三种尝试。而且仲有劲多蛳蚶肉，一啖饭几旧蛳蚶劲正！ ！ ！呢个时候我哋都食到好饱，但系呢就想食埋个甜品先满足埋第二个胃，来多个柑橘窝夫伴雪糕，但系因为原来餐
一坐低呢，有少少开胃嘅前菜。而餐牌方面，设计睇得出好用心，喺类似期刊咁样嘅刊物。
我哋首先拣左个小食—酥脆鸡胸软骨，食落去同我哋平时一般食开嘅鸡软骨好唔同，上边有少少肉同埋有条直身既软骨，食完唔会成口油，仲有爽脆既鸡软骨口感，配埋炸浆好酥脆，热辣辣亲热好好食呀。
之后我哋叫咗个炸大鱿鱼拌炸酱面，卖相真系一流啊，好似成只鱿鱼坐住系上面咁，打卡无敌。而佢个面呢都几好同炸酱都好夹，而且鱿鱼炸得金黄通透，好酥脆松软，份量又岩岩好。
跟住叫咗个韩国蛳蚶拌饭，呢个我哋完全唔识食，开头以为就咁捞埋一碟啦，但原来呢系佢俾咗紫菜同埋啲紫苏叶我哋包住嚟食嘅，一个菜式，两种食法，三种尝试。而且仲有劲多蛳蚶肉，一啖饭几旧蛳蚶劲正！ ！ ！
呢个时候我哋都食到好饱，但系呢就想食埋个甜品先满足埋第二个胃，来多个柑橘窝夫伴雪糕，但系因为原来餐厅话雪糕未有货转左忌廉，少少失望啦。但系点都估唔到柑橘同埋窝夫可以系好夹嘅，窝夫好软绵绵好好食，配埋柑橘好fresh又唔使搣皮，又唔会有好肥腻嘅感觉。钟意食柑橘嘅人一定要试吓。
去到两杯饮品啦，入嚟餐厅就系为咗呢两杯饮品，卖相打卡当然一流冇得输啦，味道方面就不过不失啦，个人较喜欢金菠萝沙冰，酸酸甜甜，开胃之余又可以有清凉冰冻嘅感觉。而柑橘乳酸特饮，因为柑橘本身有少少苦涩味，有种苦中带甜既感觉。
4 浏览
0 赞好
0 留言
1 浏览
0 赞好
0 留言
张贴
