三清洞摩西 (已結業)

行完街经过见到有间新韩国野，食年糕锅～其实一直都未试过韩国d火锅，所以谂都冇谂就上咗去了～这里主打不同配料的火锅，但也有芝士炒饭。 另外叫了平时较少见的饮品，薏米水。清清甜甜，仲有d薏米粒，几易入口，配搭热辣辣既部队锅真系完美组合，又下火，又解辣，不过细罐咗dd。 跟住就系期待已久的年糕部队锅！ 一来到就已经熟哂，可以即食。我地呢个有韩式粉丝饺，鱼糕，韩式年糕，午餐肉，海鲜，韩式拉面...先讲味道，刚开始食时不太辣，愈食愈惹味，同埋开始辣。年糕超入味又软绵绵，拉面份量刚好，好中意食韩式拉面因为又软又弹牙。好好彩夹到几块午餐肉，食得出系韩国牌子果只午餐肉，不过size切得太细好薄，同埋较少好难揾。另外鱼糕也是超入味的，甜甜辣辣又爽口。 食完火锅后，就来了芝士炒饭！外貌不太讨好，但味道不错！芝士也很足，但其实似捞饭，口感湿润，香辣带点甜，加了紫菜很香口，食落多咗层次。用热锅上，底部还有少少饭焦，卜卜脆。