影片
更多
2019-05-27
596 浏览
日式放题食得多，韩式放题食过未？我真系未，上网见到呢间放题店唔止食平时食开既日式放题，仲有韩国野食，当中最特别系有生八爪鱼食！记得对上一次食已经系好多年前系韩国，估唔到香港都有得食，拉埋另一半去。环境都算大，座位之间唔算太逼，仲有个位见到生八爪鱼！收费时间：17:00-18:30 $228/位 +10%时间：18:45-20:45 $268/位 +10%时间：21:00-23:00 $248/位 +10%自选时段(120分钟) $268/位 +10%扫QR Code点餐，环保好多自助区自助区主要系饮品同甜品，虽然饮品柜得一个，但系有好多放题未见过既款式，以韩国饮料为主，例如我最爱既米浆！仲有果汁类，都有茶饮。至于甜品有成三个大冻柜，仲有一个放自家制甜品，去到文章最尾先讲甜品。 刺身开波紧系食刺身先，话明系韩式放题，最特别就系有韩式生八爪鱼刺身！叫一份就系一小只，不过可惜我果只上枱已经奄奄一息，唔郁，识食一定要加麻油食，好有咬口。仲有一款好特别既系酱油虾，生虾用甜酱油腌制过，好加上冻冻地既口感，好开胃，我好钟意呢款酱油虾。之后就系正路既日式放题会有既刺身款式，例如三文
环境
都算大，座位之间唔算太逼，仲有个位见到生八爪鱼！
收费
时间：17:00-18:30 $228/位 +10%
时间：18:45-20:45 $268/位 +10%
时间：21:00-23:00 $248/位 +10%
自选时段(120分钟) $268/位 +10%
扫QR Code点餐，环保好多
自助区
自助甜品柜
22 浏览
0 赞好
0 留言
自助甜品柜
14 浏览
0 赞好
0 留言
自助区主要系饮品同甜品，虽然饮品柜得一个，但系有好多放题未见过既款式，以韩国饮料为主，例如我最爱既米浆！仲有果汁类，都有茶饮。至于甜品有成三个大冻柜，仲有一个放自家制甜品，去到文章最尾先讲甜品。
刺身
韩式生八爪鱼刺身
28 浏览
0 赞好
0 留言
酱油虾
37 浏览
0 赞好
0 留言
刺身、酱油虾
32 浏览
0 赞好
0 留言
开波紧系食刺身先，话明系韩式放题，最特别就系有韩式生八爪鱼刺身！叫一份就系一小只，不过可惜我果只上枱已经奄奄一息，唔郁，识食一定要加麻油食，好有咬口。仲有一款好特别既系酱油虾，生虾用甜酱油腌制过，好加上冻冻地既口感，好开胃，我好钟意呢款酱油虾。之后就系正路既日式放题会有既刺身款式，例如三文鱼、甜虾、带子、希灵鱼、蝾螺片、北寄贝、赤贝等等，刺身都好新鲜，尤其三文鱼纹路好靓，食落肥美，蟹柳棒都好清甜。
寿司
有寿司、军舰、手卷、火灸寿司，试左樱花三文鱼寿司卷、火灸原条芝士海鳗寿司，前者唔错，后者个颜色有少少奇怪，唔太似我地平时食既鳗鱼。
炸物
食得韩式放题，当然要有炸鸡，本身都怕唔好食，但又唔会啵，正正常常，肉质都算嫰。仲有炸天妇罗、炸吉列蚝、猫山王榴梿炸弹、明太子章鱼烧、芝士年糕、鲜鱿鱼虾棒等等。明太子章鱼烧系半粒咁样整，食落唔会好粉口，鲜鱿鱼虾棒都几得意，食到入面真系有虾胶虾粒，仲几弹牙，炸天妇罗就冇试到。
串烧
芝士豆腐串
24 浏览
0 赞好
0 留言
选择都唔少，有试沙嗲鸡肉串、羊架、烧生蚝，质素都系中规中矩，羊架比较特别系起埋骨上，都系第一次见，食落带肥膏，都不错，而烧生蚝既生蚝比较细只，但蒜香味OK，同埋上枱热辣辣。仲有芝士迷一家会食既芝士豆腐串～
一品料理／饭面
韩式炒豚肉
25 浏览
0 赞好
0 留言
豚肉辣炒年糕
13 浏览
0 赞好
0 留言
韩式主题仲有人参鸡汤、豚肉辣炒年糕、豚肉炒粉丝、韩式炒豚肉、水冷面、辛辣面、部队锅等等，不过因为都比较饱肚，试唔哂。人参鸡汤真系有人参系入面，足料，而水冷面细细碗但入面有齐豚肉、韩式荞麦面、水煮蛋，食落清凉。韩式炒豚肉份量好多，几惹味。豚肉辣炒年糕就加左年糕，都几鄗，都辣得过瘾，年糕烟韧唔痴牙，不过又系大大份，十分饱肚。非韩式类仲有18禁地狱饺子，可惜系因为整好一段时间，佢个皮干哂，但啲馅几好食，够哂辣！海胆茶碗蒸就差在个海胆唔新鲜，蛋几滑。而香蒜一口牛柳粒虽然卖相麻麻，但食落都可以。
甜品
甜品
18 浏览
0 赞好
0 留言
估唔到选择咁多！而且真系有好多款韩式雪条，又有雪糕三文治，亦有马来西亚品牌正条，仲要有Movenpick & Dreyer’s任食！多到有少少选择困难症发作，最后试左30%芒果雪条、士多啤梨曲奇脆皮条，平时真系冇见放题有，回本！而自家制个甜品柜，有四款味道既大福，试左Tiramisu同抹茶都好食。
总括而言，第一次食有埋韩国料理既放题，亦系第一间有韩式生八爪鱼刺身，虽然选择唔算十分之多，但我觉得都好够食，亦有多款款式出面放题冇，回本位一定系韩式一品料理、甜品同埋饮品之上，平时食餐韩国野平平地每人都$200，所以呢到价钱都OK，多啲人嚟食仲有有1人免费添！
张贴
