韓家韓國料理 (已結業)

放工约左朋友食饭朋友介绍食呢间韩家试下啦，韩式烤猪肉配生菜， 猪肉炒得好好味，连埋洋葱配合埋生菜好新鲜包住食，所有油腻嘅感觉都冇晒，好细心生菜剪开一半比个LIKE 你。韩式鸡蛋卷 ，鸡蛋够厚身，够大份，好有蛋味，中间夹有红萝卜粒及菜，蛋唔会太老，食落有种好软绵绵的感觉，食完好幸福晒。另有炒粉丝鸡蛋卷选择，不过怕饱无拣到。仲叫左人参鸡锅，个汤好香鸡肉好滑有年糕, 年糕入面有芝士好特别好味，有加埋个乌冬，乌冬幼身好软糯。泡菜煎饼质地软少少辣，要点甜豉油一齐食几好味。韩式牛肋骨汤，个汤好香甜甜地汤头唔算太浓有牛骨的香味，牛肋骨好易咬，超正！ 无骨韩式炸鸡我地叫左半份牛油蜜糖味同半份酱油香蒜味，份量都好够食，牛油蜜糖味好香外皮酥脆感，口感层次丰富轻轻嚼一口肉汁飞溅出来，而酱油香蒜味，好香香蒜味好野味，令炸鸡更好味喔，炸鸡做得好出色。