Coffee Hwajeon 커피화전

营业中

休息中

呢间韩式榻榻米咖啡店，环境真系好舒服！一入去就感受到一股浓厚嘅日式简约风格，配埋榻榻米嘅座位，感觉好relaxing，好适合同朋友慢慢倾计💬👍🏻我哋叫咗半半炸鸡、粟米牛角包窝夫、士多啤梨恋人刨冰、盛放花开燕麦奶同忌廉黑朱古力咖啡☕️首先系半半炸鸡🍗$155，甜辣炸鸡同蜂蜜炸鸡各半，份量都几多，够晒两人share。甜辣炸鸡个酱汁好惹味，辣度适中，唔会太辣，鸡皮炸得脆卜卜，鸡肉嫩滑 juicy，好好食！蜂蜜炸鸡就甜而不腻，蜂蜜嘅香味好突出，同样地，鸡皮脆口，鸡肉都几嫩。粟米牛角包窝夫$132就比较特别，牛角窝夫酥脆，配埋粟米，味道几夹。士多啤梨恋人刨冰$98卖相吸引，士多啤梨🍓新鲜，刨冰够细滑，内里仲有蕨饼。饮品方面，盛放花开燕麦奶$52奶味香浓，口感顺滑，燕麦味唔会太抢，几好饮。忌廉黑朱古力咖啡$52，咖啡味浓郁，忌廉滑溜。呢间咖啡店嘅食物质素唔错，价钱都算合理，环境又舒服。