喜來稀肉 (已結業)

今日Happy Friday 同同事lunch 出去食饭，好彩公司附近有间喜来稀肉又大间又可以订位，虽然午餐唔够时间烧肉，但都一尝其他韩国主菜餐厅嘅侍应大部分系韩国人，全部都好后生而且要讲英文沟通。午餐时段可以自助形式出去攞小食，有泡菜、莲藕、青瓜、茄子🍆等等，仲有芽菜汤提供，无限添加，不过大家记得食几多拎几多，咪做大嘥鬼呀其实餐牌有好多选择，但之前已经试过某几款，今次就拣左烤牛肉水冷面，虽然餐牌写要等十至十五分钟，但我嘅水冷面好快已经送到水冷面都算大碗，面质好烟un好特别，配料有蛋、蕃茄同青瓜丝，成碗面嘅汤酸酸地好开胃，食完都完全冇肥腻嘅感觉。而烤牛肉都算份量多，只系略嫌唔够牛味，但水冷面整体算好好味，好适合系夏天食成餐连加一只系八十几蚊，湾仔区嚟讲好抵食。餐厅环境好宽敞，不过如果一大班人记得订位呀，我见有人walk in 但唔成功，费事扑空啦