家家戶戶

营业中

休息中

尖沙咀有条韩国街，出咗名有好多韩国餐厅所以今次就去咗觅食试吓啲韩国料理啦～ 见到间红砖入面装修似韩式温馨家庭料理feel 嘅餐厅就入咗去医肚😛见到Menu 都几多款配搭嘅套餐组合拣，店内嘅店员都唔系本地人 落单用写No.落单比佢哋就可以唔洗怕沟通唔到落错单～ 第一餐都真系几饿嘅，早午餐嚟讲见到个人参鸡张图即刻就写低咗😂 而另一样就叫咗牛肋骨因为见隔离枱食紧个牛肋骨阵阵叠咁好似都好正而吸引嗌咗。 上菜比只鸡吓咗一跳，好一整只鸡呢。热辣辣咁饮完暖笠笠、鸡入面仲包有红枣、米同参头参须～天气冻冻地食依个进补简直一流🥰 参鸡汤有鸡同微参嘅味道食得出系无落味精嘅感觉，而鸡肉都好滑仲啖啖肉，配有胡椒粒同埋盐比你自行调味或者点嚟食，成煲鸡连汤食哂唔配饭其实都好饱🙈🙈 而牛肋骨系用铁板上香喷喷 ，层层叠咁有3层都好多块有8-9块左右仲有葱花🤤肉唔会柴 牛味配上腌酱汁烧完都仲好够味，套餐仲配有前菜、包括有 泡菜、韮菜 同 鱼糕 、鱼仔 应该系随机嘅3款前菜 仲跟白饭同海带汤。依度份量好够好抵食，2人都食到好满足。