新沙洞澡堂 (已結業)

用澡堂做餐厅主题真系好特别，见好多朋友仔嚟打卡，小编都唔执输快快嚟试吓。除咗到处都系浴室元素，仲有一幅烧酒墙，全部都系打卡位，服务员态度又非常好，食物又得，真系冇嚟错。📌辣炒年糕小编本身唔系好食得辣，见咁出名，都想试吓，结果辣味适中，冇盖过食物本身味道，除咗有年糕之外，仲有串起嘅鱼糕同鹌鹑蛋，口感丰富📌新沙洞招牌炸物拼盘细份拼盘虽然叫咗细份，但都好丰富，有年糕肠仔串，有炸饺子两件，炸蕃薯片两件，紫菜粉丝卷两件同埋甜薯芝士条两件，各有特色，小编特别喜欢甜薯芝士条，烟烟韧韧📌韩式水冷面水冷面真系有惊喜，面本身已经爽口，味道特别出色，清甜唔油腻，可以当汤饮，因为加咗苹果片，苹果清甜爽口，甜味亦入到汤中，好正📌麻薯-黑芝麻味麻薯烟烟韧韧，黑芝麻香口，味道口感好夹📌棒子朱古力香蕉牛角酥脆口牛角酥，加上香滑棒子朱古力酱，味道一定得，仲有好多香蕉片，无得输📌榛子鲜奶咖啡咖啡味香浓，拉花亦美，不错热饮选择📌蓝柑橘白挑梳打特饮（必饮）最大惊喜系这款冻饮，超级好味，打卡又靓，又可以拣多冰少冰多甜少甜📌西柚梳打特饮见𠮶蓝柑橘白挑梳打特饮咁好饮，再叫另一款试吓，这款西抽梳打都唔错，餐厅饮品实在出色