影片
更多
2023-07-10
968 浏览
8/7/2023继续生日饭去中上环六月新开嘅韩式炸猪扒店。之前见佢六月头卖广告，准备六月中开，已经bookmark 左要去食，因为有我之前喺韩国食嘅炸芝士猪扒。虽然佢喺山上边，不过有电楼梯一路接驳上去，所以都唔会太辛苦，同埋都容易揾嘅。我早过朋友少少到，问咗店员话冇时限，所以俾我入去坐咗先。我哋每人嗌咗一个set，分别嗌咗3号同4号 （炸猪柳、炸芝士猪扒）打算share食。佢每一个餐都有跟：前菜、酱汁；鹌鹑蛋味素白饭，冷面，沙律菜就用细碗装住（可以refill的）另外再加两只炸虾。炸芝士猪扒真系好拉丝 （呢个真系要趁热食），猪扒嘅肉都好淋身，炸粉好薄，一啲都唔会觉得油腻。炸猪柳都好好食，啲肉都仲系粉嫩嘅，有弹性得嚟又唔会太实，朋友觉得相比之下呢个好食过芝士猪扒 （如果要比较的话）两只炸虾好大只，粉浆都好薄，只虾入边好大只同埋弹牙。鹌鹑煎蛋味素白饭，个饭就唔热嘅，我就觉得一般，所以冇refill 呢个 (但系几见到隔篱枱男生嘅话就refill咗两次白饭，可能始终个碗比较细唔够食）冷面带有酸酸地嘅（醋）汁，微凉.我同朋友都refill 咗一次 （如果佢可以再冻啲就更加好）沙律系切碎咗嘅椰菜
继续生日饭
去中上环六月新开嘅韩式炸猪扒店。之前见佢六月头卖广告，准备六月中开，已经bookmark 左要去食，因为有我之前喺韩国食嘅炸芝士猪扒。
虽然佢喺山上边，不过有电楼梯一路接驳上去，所以都唔会太辛苦，同埋都容易揾嘅。
我早过朋友少少到，问咗店员话冇时限，所以俾我入去坐咗先。我哋每人嗌咗一个set，分别嗌咗3号同4号 （炸猪柳、炸芝士猪扒）打算share食。佢每一个餐都有跟：前菜、酱汁；鹌鹑蛋味素白饭，冷面，沙律菜就用细碗装住（可以refill的）另外再加两只炸虾。
炸芝士猪扒真系好拉丝 （呢个真系要趁热食），猪扒嘅肉都好淋身，炸粉好薄，一啲都唔会觉得油腻。
炸猪柳都好好食，啲肉都仲系粉嫩嘅，有弹性得嚟又唔会太实，朋友觉得相比之下呢个好食过芝士猪扒 （如果要比较的话）
两只炸虾好大只，粉浆都好薄，只虾入边好大只同埋弹牙。
鹌鹑煎蛋味素白饭，个饭就唔热嘅，我就觉得一般，所以冇refill 呢个 (但系几见到隔篱枱男生嘅话就refill咗两次白饭，可能始终个碗比较细唔够食）
冷面带有酸酸地嘅（醋）汁，微凉.我同朋友都refill 咗一次 （如果佢可以再冻啲就更加好）
沙律系切碎咗嘅椰菜，带有少少柚子汁，清爽。
好满意呢一餐，令我怀念韩国。职员都十分友善，有韩国人，亦有本地人 。
我谂我都会想再食嘅，如果我自己去食嘅话，就要食6号啰🤣🤣
张贴
