Kyung Yang Katsu

营业中

休息中

韩式炸鸡食得多，由韩国人炮制嘅炸猪扒就真系少见。呢个品牌仲要系由韩国过嚟香港开分店，喺当地于短短几年间已经发展到有超过80间分店，实力确实不容忽视。餐厅以提供猪扒定食为主，亦有四款小菜提供。每份套餐价钱由HKD178至HKD198，对一间位于中环苏豪区餐厅嚟讲定价不算太高挂。▫️芝士吉列猪柳套餐 (HKD198)▫️吉列猪柳炸虾套餐 (HKD188)每款定食配上椰菜丝、鹌鹑蛋饭及冷面。呢三款系无限添加嘅，个人认为冷面喺三款里面比较吸引，外面天气热，食碗味道带酸嘅冷面够晒爽丫。除咗配菜另附上猪扒酱、黑松露盐、日本芥末等为炸物添上味道。要数餐厅嘅招牌菜应该非芝士吉列猪扒莫属啦。水牛芝士香气浓烈，不过炸猪扒温度唔够热 (其实我哋觉得两份炸物都唔够热)，冇咗好澎湃𠮶种流心芝士嘅感觉，加上芝士唔够热，影两张相后要尽快食用，否则芝士及炸猪扒就会变硬，影响口感。炸猪柳水准就比较稳定，肉质非充满肉汁𠮶只但起码唔会太干，咬开猪柳后唔会出现外层面包糠及猪肉分离嘅情况。餐厅不设订座，想食嘅话就要早啲到喇。以而家咁热嘅天气要我企喺餐厅外排队等食饭就咪搞我。