李家 (已搬遷) 新店位置

今日虽然6点几去到，但都系要等一阵位，仲要系搭枱，不过唔紧要啦，因为友人话想饭。我地简单地只点左两个𩠌，一个原味拼甜辣酱味嘅炸鸡同埋芝士海鲜炒年糕，另外加左枝益力多烧酒。呢度最出名系炸鸡，不过个人认为G字头嘅炸鸡比较香口同惹味。原味炸鸡用左胡椒调味，所以有点辣，虽然炸得香口，但鸡肉唔算好juicy。而个甜辣酱味个酱比较好，酸酸甜甜，不过就唔辣。至于个芝士海鲜炒年糕，其实系炒乌冬多d，因为乌冬仲多个年糕。海鲜都唔算特别多，得一两只虾同一只青口。芝士好多，加埋年糕所以都几漏，个味道都唔差嘅。益力多烧酒烧酒味比较重，但个人认为益力多同烧酒唔系好沟得埋，味道有d 唔夹。食物普普通通，所以唔会特别想黎食，加上坐得唔舒服，价钱又唔平，我地咁样都巳经成四百几蚊，唔太值。