Dodam Chicken (1亞太中心) (已結業)

今日去咗观塘APM shopping, 咁我朋友话想食韩国嘢做下午茶，上网揾吓就见到呢一间评分都几好嘅餐厅，我哋下午茶时间佢都唔算太多人，好快就揾到位！我哋今日都费事食咁多，因为夜晚仲约咗打边炉！叫咗一个炸鸡，同埋一个香辣海鲜汤面！韩式嘅海鲜汤面都做得几好食，亦都有唔同嘅海鲜，上枱已经非常香喷喷，忍唔住即刻拎电话出嚟打卡！汤面嘅软硬度，做得非常好，唔会有太软嘅情况出现，厨房系控制时间上做得唔错，再加埋佢本身辣辣地嘅汤底，非常烟烟韧韧，正！配料亦都有非常多唔同嘅海鲜，有我最钟意食嘅虾，每一只都非常爽口弹牙，配埋本身韩式面一齐食，好match! 都见到有青口同埋鱿鱼，餐厅绝对唔手软！我哋就叫到一个咸蛋黄味嘅炸鸡，咸蛋黄炸鸡外脆内软既口感令人非常享受，亦都睇得出餐厅系即叫即做，咬落去出晒烟，热辣辣！佢嘅炸鸡外皮酥脆口感， 咬落后带有juicy肉汁，绝对冇好干嘅口感，配上咸蛋黄味嘅调味，第一次食到呢一个味道上嘅配搭，觉得非常特别 下午茶嚟讲，简直系100分！下次有机会再嚟试吓佢唔同味道嘅炸鸡同埋韩式食物！钟意食韩国嘢嘅朋友，唔可以错过！