炑八韓烤 (已結業)

六月头，黎左食炑八。第一次食，都几新奇有趣。先黎两碟烧肉，猪颈肉同五花腩，一黎就有好多配菜，芽菜，泡菜，生菜，白罗白，同埋几样酱汁，侍应会帮我地放泡菜炉边蛋同芝士粟米。最初都谂，其实呢啲新派既正统韩国烧肉，同以前食开啲任食韩烧有乜分别。食过呢次后，原来系好大分别，真系好食好多，任食韩烧系全部肉都得一只味道咁，食落口都唔知食紧咩肉咩部位。加上有好多配料，中意又可以加芝士粟米同肉，用菜包住食。食完可以叫侍应加芝士粟米同泡菜蛋。我同朋友加左几次个粟米，真系好味到一个点。另外叫左个菠萝冰，普普通通，菠萝系罐头菠萝，杯野饮落似系罐头菠萝啲糖水加冰。