盤浦

营业中

休息中

位于天后与炮台山中间嘅小街内，鲜黄色招牌，十分显眼。踏入餐厅，弥漫著韩风气息，座位摆设都好似韩国当地嘅餐厅，不断播放住K-pop，气氛好热闹。餐厅提供多款上乘烤肉选择，我试咗店员推介嘅三层五花腩同嫩滑多汁嘅鸡肉。店员可以帮我哋烧烤，只要翘埋双手就可享受到美食，服务周到。肉片于烧烤炉上滋滋作响，肉香四溢，让人垂涎欲滴。餐厅有多款精心调制嘅泡菜，酸脆开胃与烧肉绝配。五花腩富含脂肪，在高温烧烤下变得格外鲜嫩多汁，肉味香浓，猪皮变得Q弹，配搭酸甜微辣嘅泡菜一齐食，滋味无穷。鸡肉经过韩式酱油特别腌制，烧烤嘅时候释放出浓郁迷人嘅香气。表面焦香，内里仍保持多汁鲜嫩。每位店员都斯文有礼，会主动问我哋要唔要添加泡菜；见我哋想点生菜，亦会细心话我知每份肉都已经有包，唔需要额外再叫。