南대門

营业中

休息中

今日黎到金巴利道，见到好多韩国菜餐厅，于是拣左一间黎试下。餐厅由韩国人主理，入面既位置好阔落。虽然系有韩烧食，但系抽风系统做得好好，一啲都唔觉得油烟大。✨牛肉拼盘有牛肋骨、板腱肉、牛肋骨肉。牛肉嘅口感新鲜又弹牙，而且油脂丰富，香气四溢。加上韩式辣酱、面豉酱，包住菜食非常惹味。配菜仲有菇，茄子，洋葱添！✨泡菜汤每个烧肉套餐都会跟一个泡菜汤或大酱汤。泡菜汤味道酸辣开胃，酸中有甜，口感清新。入面仲有唔少五花肉，肉质嫩滑，泡菜和肉片搭配起黎，令汤既味道更加丰富，令人回味无穷。✨护心肉护心肉其实系猪横膈膜同肝之间肌肉肌腱部分，每头猪只有手掌左右大既护心肉，好珍贵架！护心肉柔软且多筋道，口感劲道，一入口啲汁都瞬间爆发出嚟，真系好滋味。