雪話雪冰 (已結業)

之前同朋友行街都经过黎度几次，一直都想嚟试下，今晚终于有机会啦冬天几冻都好，都要食D冻既甜品先得。夜晚十点几门口都仲有好多人排队，排队既时候一路睇餐牌有好多款甜品都好吸引呀~ 排咗半个钟终于有位啦~我地两个人叫个两个甜品Share嚟食，首先讲下峰芒毕露芝士雪奶，有满满既芒果，芒果新鲜，唔会酸，又好大粒。入面加左cheese cake，芒果加cheese cake再加埋冰一齐食，口感超特别迷人草莓奶油雪糕吐司，厚厚既吐司上面加入大量既士多啤梨、奶油、士多啤梨酱同雪糕，卖相超吸引。士多啤梨唔会太酸，吐司松软唔会好硬好难切开，微暖既吐司配上冰冻既雪糕，真系要快啲食，如果唔系会令吐司变淋