影片
更多
2017-11-05
286 浏览
今日同一位韩粉朋友去金巴利道 – 尖沙咀嘅韩国街去买韩国食品。其实佢屋企附近都有一间卖韩国食品嘅舖头，但佢就系钟意嚟金巴利道，一嚟舖头数量够多，二嚟有啲舖头系韩国人开，够正宗㖞。其实最根本原因系佢有次嚟呢度买嘢𠮶阵见到一个高大威猛嘅韩仔，个韩仔仲问佢路，当时好后悔冇交换电话㖞，自从𠮶次佢就经常嚟买嘢喇……我地行紧去一间韩国食品店途中，佢就突然间停低，指住间餐厅话要食Lunch，𠮶阵12点都未到……原来佢见到有个韩仔侍应喺入面，本来都唔想理佢，不过见到餐厅门口贴咗个menu，上面有韩式pizza，卖相仲几吸引，仲有杂志介绍，就一于试吓。餐厅装潢系一贯韩式简约风格，墙上挂咗几张电影嘅细海报，再加一啲饮料樽做装饰。三部电视播放住韩国MV，每转一个MV韩粉朋友都同我讲呢个组合系咩名，成员有边个，边个最高颜值……无共鸣，哈哈，咁我负责拣嘢食。个menu都几色彩鲜艳，Pizza原来系叫做【熔岩比萨】，有三款口味 - 大酱五花肉、韩式微辣大虾同蒜香鸡肉。叫左【韩式微辣大虾熔岩比萨$198】个尺寸算细，但系厚身，啱啱焗出嚟热辣辣。全个Pizza只有四只虾，虾身晶莹剔透，虾肉爽弹，配料仲有橄榄同埋西兰花
我地行紧去一间韩国食品店途中，佢就突然间停低，指住间餐厅话要食Lunch，𠮶阵12点都未到……原来佢见到有个韩仔侍应喺入面，本来都唔想理佢，不过见到餐厅门口贴咗个menu，上面有韩式pizza，卖相仲几吸引，仲有杂志介绍，就一于试吓。
餐厅装潢系一贯韩式简约风格，墙上挂咗几张电影嘅细海报，再加一啲饮料樽做装饰。三部电视播放住韩国MV，每转一个MV韩粉朋友都同我讲呢个组合系咩名，成员有边个，边个最高颜值……无共鸣，哈哈，咁我负责拣嘢食。
个menu都几色彩鲜艳，Pizza原来系叫做【熔岩比萨】，有三款口味 - 大酱五花肉、韩式微辣大虾同蒜香鸡肉。
叫左【韩式微辣大虾熔岩比萨$198】个尺寸算细，但系厚身，啱啱焗出嚟热辣辣。
全个Pizza只有四只虾，虾身晶莹剔透，虾肉爽弹，配料仲有橄榄同埋西兰花。
一铲起件Pizza，果然同menu一样，芝士嘅拉丝效果⋯唔系，应该用拉布效果先啱，好夸张，拉到好似瀑布咁。
芝士都几烟靭有口感，味道浓郁。饼底上面系韩式辣酱，辣度适中，成个pizza食落好惹味。饼底亦做得相当唔错，软硬适中，饼边系扭纹形状，口感松软，亦都焗得好香。
【韩式鲜蚬汤$138】先嚟个蚬汤热一热身，个汤上枱𠮶阵仲系滚紧，够晒滚热辣。
蚬嘅份量都算多，差不多有成20只，而且粒粒都食得出系爽甜，真系鲜蚬嚟。汤就几惹味，有唔少香葱洋葱提味，汤带微辣，食完成个人暖笠笠。
【韩式酱炒牛肉$108】初初以为系韩式辣酱炒，但原来用香葱、洋葱、红萝卜丝炒牛肉。牛肉份量多，整个味道系甜嘅。我觉得适合配饭，不过呢度就冇配埋主食。
服务方面，餐厅虽然叫做Angry Oppa，但韩仔Oppa店员当然唔angry，仲相当有礼貌，用简单英文就沟通到。韩粉朋友觉得佢够大只又够cute，讲嘢声线温柔又厚实。我就觉得食物都唔错，但价钱唔平。餐厅另一种特色食品系韩式便当，排得好精美，好似爱心便当咁，下次可以试吓～
张贴
