반찬앤쿡 Banchan and Cook (太古城中心)

营业中

休息中

系太古城中心嘅banchan 系半开放式的。晚餐时段系门口排队嘅食客有10几人，等咗大约10分钟就有位，都好快。 坐低拣好食物就可以去收银处点餐，等待食物期间可以自己准备好餐具，餐碟等等。亦有清水提供。 前菜当然唔少得韩式炸鸡，仲有埋薯条同年糕，好抵食，点半份都好够。 主菜系泡菜炖五花肉蛋包饭，大大块泡菜包住几片五花肉，仲有腌青瓜腌萝卜丝，不自觉就食哂。 韩式牛扒三文治，牛扒有薄浆粉炸过，有好浓嘅牛油味。配有红菜头沙律，同薯仔苹果沙律，轻食之选。 嘢饮点咗热嘅伯爵茶鲜奶咖啡，估唔到两个味道可以并存又好夹。另一杯系玫瑰红桑子沙冰，带有少少奶味。最后甜品点咗烤朱古力棉花糖，底部有消化饼碎。看似简单却充满诚意。