韓樂 (TKO Gateway西翼)

营业中

休息中

夜晚大约9点到先约友人系坑口食晚饭，冇乜心水就决定食一入商场就见到嘅呢间韩国餐厅。餐厅灯光偏暗，布置得好有特色，好多怀旧嘅摆设。望望餐牌，有好多唔同种类选择，又有西式饭/意粉又有焗饭，当然亦有韩国嘢食如石锅饭同年糕等。另外侍应比较多呀姐而唔系后生仔女，感觉似韩风茶记多啲。魔鬼芝士一口牛。望落觉得好邪恶，芝士多到我流晒口水，但食落…啲牛好韧，咬极都成大旧吞唔到落口。墨鱼汁鲜蚬鱿鱼意大利饭。摆碟精美，亦都好多蚬肉，系比较水嘅墨鱼汁饭，食落都唔错。卡邦尼烟肉炒年糕。超级多嘅卡邦尼汁，加埋有咬口嘅年糕同香甜嘅菌菇真系可以成碟连汁食晒。整体嚟讲呢间系嘢食ok嘅高级茶餐厅或者可以叫平价韩国餐厅，可以一试嘅。