影片
更多
2017-07-19
211 浏览
同朋友行上环摩啰街, 行行企企, 唔经唔觉已行了成个下午, 时间真的过得好快, 睇下摸下的古玩, 同好倾的档主倾多两句, 咁就过了一个下午, 夜幕降临, 才发觉饥肠辘辘, 够钟食晚饭了, 随意入了一间食肆医肚, 原来这间是食韩国菜的, 名叫”雪龙汤”, 估唔到的是随意入的餐厅, 味道真系不俗, 一家要在这里介绍给大家. 这间骤眼睇似西餐厅的韩国菜馆, D餐牌都是改良了的韩国菜, 有传统的人参炖鸡, 有韩国出名的牛肉雪浓汤, 仲有猪肉泡菜锅, 主菜有黑啤猪手, 炭烧猪肉及鸡肉串等等, 菜式都几吸引, 饮品当然唔少得韩国烧酒及韩国出品的饮料啦! 思量一番, 终于落了order. 首先上来了泡菜番茄猪软骨乌冬, 浓浓的番茄汤上面铺著大大块的猪软骨, 然后又有一小撮油绿绿的菠菜放在一边, 中间又放了一小撮绿豆芽, 仲有泡菜, 食一啖乌冬, 爽口弹牙, 汤底酸酸甜甜, 很开胃, 猪软骨好林, 好入味, 配合的泡菜送乌冬, 真是好味道, 泡菜的酸辣化解了猪软骨的油腻, 味道好夹好好食. 跟住我们叫的炭烧猪肉及鸡肉上枱, 配上黄色的芥末酱, 猪肉肥瘦适中,串烧上还有些大葱, 未入口已闻到猪肉香, 点
这间骤眼睇似西餐厅的韩国菜馆, D餐牌都是改良了的韩国菜, 有传统的人参炖鸡, 有韩国出名的牛肉雪浓汤, 仲有猪肉泡菜锅, 主菜有黑啤猪手, 炭烧猪肉及鸡肉串等等, 菜式都几吸引, 饮品当然唔少得韩国烧酒及韩国出品的饮料啦! 思量一番, 终于落了order.
首先上来了泡菜番茄猪软骨乌冬, 浓浓的番茄汤上面铺著大大块的猪软骨, 然后又有一小撮油绿绿的菠菜放在一边, 中间又放了一小撮绿豆芽, 仲有泡菜, 食一啖乌冬, 爽口弹牙, 汤底酸酸甜甜, 很开胃, 猪软骨好林, 好入味, 配合的泡菜送乌冬, 真是好味道, 泡菜的酸辣化解了猪软骨的油腻, 味道好夹好好食.
跟住我们叫的炭烧猪肉及鸡肉上枱, 配上黄色的芥末酱, 猪肉肥瘦适中,串烧上还有些大葱, 未入口已闻到猪肉香, 点了一点芥末酱, 咬在口中, 一阵芥末辛辣直更攻上脑, 几秒钟后变带出了猪肉的肉香, 大葱的葱香, 刺激又好食, 满口香喷喷, 令人食完再想食. 鸡肉串都系, 鸡肉烧到一D都唔鞋口, 但同猪肉比较, 我都是更钟意食猪肉, 猪肉的肥肉部份烧出来的肥油带出猪的香味, 一D都唔觉油腻, 非常香口好食!
跟住的出品是一道野生三文鱼锅, 非常有兴趣睇下野生三文鱼有何不同, 上枱的三文鱼锅用的是番茄汤底, 粉红色的三文鱼块放在汤中再配上几块嫩滑的豆腐, 卖相相当好睇, 似韩剧中的宫廷菜, 急不可待的试下三文鱼, 好嫩滑, 一D都唔腥, 而且啖啖肉, 一条鱼骨都没有, 仲食到类似鱼生的鲜甜, 认真唔错! 豆腐索晒番茄汤的精华, 又滑又好食, 连汤都觉得是非常好饮咧!
最后一个牛肉饭来到了, 牛肉是用铁板上枱的, 类似香港人至爱的肥牛, 但比肥牛要瘦, 牛肉切得好薄, 应该是用韩式酱料腌了之后炒熟, 再配上韩国的酸菜, 有红萝卜, 有鱼仔干, 有青瓜片, 仲有一碗热辣辣的菜汤, 好丰富! 用这铁板牛肉送饭真是绝配, 牛肉汁香浓, 牛肉香口, 酸菜开胃, 搭配非常好, 夜晚少食米饭的我都忍唔到口, 爬了好多啖饭人口, 实在是太好味了.
第日行古玩街又多一个食饭的选择, 这间”雪龙汤”仲有其他菜式我都想试, 因为今日食的几道菜样样都好啱口味, 下次来行摩啰街, 我会再来食, 食佢其他的菜式.
张贴
