李家 (海壩街)

营业中

休息中

本身真喺好钟意食炸鸡，带埋朋友一齐去食韩式炸鸡，我哋去咗荃湾李家，进入餐厅已经感受到韩式风情，墙身贴上韩星海报，播著韩国流行音乐。打开餐牌，见到有多种款式炸鸡即时心心眼，可按自己喜好去选择有骨或无骨炸鸡，我同朋友拣咗两款无骨炸鸡，一次过品尝两种不同口味炸鸡。芝士味炸鸡 – 无骨 (半份)：舖上满满嘅芝士粉喺炸鸡，食落每一口都喺芝士香味; 炸鸡好酥脆，而且无骨啖啖鸡肉，好正呀！蜂蜜大蒜炸鸡 – 无骨 (半份)：炸鸡配搭蜂蜜同大片嘅蒜片，味道真喺好夹，酱汁好香甜。牛肉炒粉丝：食材丰富，有牛肉、洋葱、红萝卜、蘑菇等等; 粉丝干身且口感烟韧，食到停唔到口，食埋清汤乌冬就非常饱肚!