影片
更多
2022-08-14
91 浏览
今日嚟到乐富广场既小火焰韩式咖啡厅，入到门口，侍应已经好积极咁欢迎同带位，态度几好啵！店面地方好大，大把位坐，私隐度亦十分足够！好多时谂住韩式餐厅就系食炸鸡啦？但呢度既食物种类比想象中又丰富得多！我地就各自嗌咗一个午市套餐试一试佢！（顺带一提，呢度都系用QR Code落单架，仲提供免费wifi，记得带定电话嚟！）我就叫咗一客「酥炸黑豚肉拌饭」（$62），睇个卖相就觉得好惹味！豚肉十分松脆，有咬劲，配埋椰菜丝上面既芝士酱同粟米蓉，味道超级丰富！底下既拌饭系有紫菜配搭既，成个饭多重滋味，又食得饱，好值得试！我朋友就拣咗「泡菜酱烧黑豚拌饭（辣）」（$68），虽然餐牌写明系辣，但泡菜辣度唔算好高，食开小辣既朋友都可以顶得住，而酱烧黑豚肉同我果个比较更加软熟，差唔多入口即溶，口感好唔一样！加埋啲配菜，成个饭既味道好平衡，亦唔会觉得腻！小食方面，我地加咗一客「芝味鸡粒」（跟餐加$15）同「泡菜饺子」（跟餐加$10），前者既芝士酱好香，份量都唔少；后者偏辣，食得辣既朋友可以一试！我地不约而同嗌咗「冻咖啡」（跟餐加$3）饮，毕竟系咖啡厅嘛！咖啡大大杯，都好香浓，整体嚟讲不过不失啦！最后，我地加咗一人一
入到门口，侍应已经好积极咁欢迎同带位，态度几好啵！
店面地方好大，大把位坐，私隐度亦十分足够！
好多时谂住韩式餐厅就系食炸鸡啦？
但呢度既食物种类比想象中又丰富得多！
我地就各自嗌咗一个午市套餐试一试佢！
（顺带一提，呢度都系用QR Code落单架，仲提供免费wifi，记得带定电话嚟！）
我就叫咗一客「酥炸黑豚肉拌饭」（$62），
睇个卖相就觉得好惹味！豚肉十分松脆，有咬劲，
配埋椰菜丝上面既芝士酱同粟米蓉，味道超级丰富！
底下既拌饭系有紫菜配搭既，成个饭多重滋味，又食得饱，好值得试！
我朋友就拣咗「泡菜酱烧黑豚拌饭（辣）」（$68），
虽然餐牌写明系辣，但泡菜辣度唔算好高，食开小辣既朋友都可以顶得住，
而酱烧黑豚肉同我果个比较更加软熟，差唔多入口即溶，口感好唔一样！
加埋啲配菜，成个饭既味道好平衡，亦唔会觉得腻！
小食方面，我地加咗一客「芝味鸡粒」（跟餐加$15）同「泡菜饺子」（跟餐加$10），
前者既芝士酱好香，份量都唔少；后者偏辣，食得辣既朋友可以一试！
我地不约而同嗌咗「冻咖啡」（跟餐加$3）饮，毕竟系咖啡厅嘛！
咖啡大大杯，都好香浓，整体嚟讲不过不失啦！
最后，我地加咗一人一个「3.6牛乳奶冻」（跟餐加$10），
3.6牛乳奶味浓就不在话下啦，成个奶冻亦好creamy，甜度足够，
作为餐后甜品，可以话系总结咗成餐！
嘢食太惹味，朋友最后再嗌咗罐「白桃乌龙气水」（单叫$18）OOHA一下～
仲有好多嘢食未试，下次要再嚟帮衬！
张贴
