伽倻韓國餐廳

Set G 四人餐 $1580🍺另外order了 3杯喉啤酒，啤酒杯系放冰箱的😳，可以keep住啤酒低温，唔洗加冰💯。🥗前菜有 甜薯仔、泡菜、芽菜、甜鱼仔、菜仔、辣豆腐、辣杂菜，全部都可以无限任添加的😋，当中我个人最喜欢甜薯仔。🥩烤牛肉脊片伴杂菜（中）用牛肉卷住生蒜同洋葱，再点汁去食，牛肉味唔重，唔点汁好似冇咩味。🥩烤特级牛肋骨（两件）腌得好好食😍👍🏼佢味道比其他餐厅腌得较为甜，但好岩我口味。侍应会好贴心咁剪开分件先再俾我地烧。🥩烤特级猪眼扒（两件）冇咩特别，有少少柴😅。🥓秘制烤辣猪腩片（一份）其实腌得唔系好辣，仲有少少甜，非常惹味👍🏼。🥬鲜生菜配杂菜沙律生菜好新鲜，又大块同完整❤️。🥟韩式炸饺子（13只）细细粒，炸得好香口，皮薄馅靓😋。🍕海鲜煎葱饼（中）海鲜煎葱饼入面有啲虾仔同鱿鱼。侍应会切开分埋上碟，服务周到。🍲肠仔火腿什锦火锅（少辣）即系部队铜。🍧甜品有红豆沙冰、朱古力沙冰、芒果沙冰同生果盘选择，朱古力沙冰味道唔错，有朱古力雪糕球，沙冰打得超碎👍🏼。