炑八韓烤 (蝴蝶廣場) (已結業)

今日晨早就入屯门做野，早餐都未食，Lunch决定要揾间食饱啲。做完野附近就系蝴蝶广场，入去兜两个圈就拣咗食间韩式餐厅。个人食野钟意清淡啲，健康啲。所以嗌咗依个：韩牛雪浓汤配饭。有汤有饭，系冇食早餐情况下会比较易入口，感觉冇咁伤肠胃。一上菜原来唔只饭同汤，仲有前菜同韩式清汤，视觉上已经好丰富。 虽然餐厅系连锁，但系野食唔会好马虎。主菜韩牛汤，牛嘅份量相当足够，入面亦有粉丝同萝卜，粉丝唔会因为浸太耐汤而变得淰身。细食嘅朋友可能净系个汤都够食。不过个人认为韩式饭系另一个特点，特点在饭上面嘅紫菜碎，连埋芝麻入口相当香口，如果紫菜碎多啲就咁食白饭都得哈哈。食晒所有野绝对饱过平时系茶记食个碟头饭！餐厅除咗屯门之外，系港九新界都有分店，屯门个人黎讲都叫远，想再食下次唔洗专登入黎。