Dodam Chicken (1亞太中心) (已結業)

呢个餐厅嘅香辣味炸鸡真系好正，啲肉质好嫩又唔会太干，而且啲皮炸到好松脆，再喺面头淋上韩式传统嘅甜辣酱汁，非常惹味！加上佢地炸鸡嘅口味多不胜数，仲可以选择有骨或者无骨，份量都可以选择一份或者半份，多人嘅话点原只会比较抵食，而去骨特别适合老人家或者小朋友食🍖🥹另外，呢度仲有好多主食，例如水冷面、炸酱面等等，亦都好多款式嘅小食，例如芝士猪肋骨、牛排骨等等。呢度嘅餐牌有韩文、中文同英文，非常之地道又多元化。饮品都有好多选择，除咗果汁汽水之外，亦都有不同水果口味嘅烧酒同梳打，例如蜜桃柠檬柚子芒果白桃等等！我地就叫左一壶芒果梳打，爽口又解渴，唔会太甜，啲气泡又够多，食完炸鸡最饮返啖解除油腻感！🥹❤️