炸帝x韓卷 (已結業)

同一大班同事黎食生日饭，选择都唔少，有几款韩式饭卷，日韩饭、乌冬，串炸。好彩有一大班人黎食，乜都可以试下，满足到为食既我 我地叫左串炸+咖喱乌冬，芝麻酱乌冬，生姜牛肉烧饭，辣炒猪肉饭，蟹柳饭卷，辣猪肉卷。老板好好人，送左鱼蛋俾我地食，第一次食大阪式串炸鱼蛋，好好味呀 辣炒猪肉饭未算好辣，用温泉蛋捞埋个酱汁，又滑又好味。串炸既粉浆好薄，食落去唔觉油腻，又脆，呢个炸法好少食到。好欣赏佢地既韩式饭卷 （唔记得影近镜），饭卷除左有主角蟹柳，仲有好多蔬菜配搭，青瓜、萝卜丝、蛋、牛蒡、萝卜, 口感丰富又食得健康 听同事讲d乌冬好滑，咖喱酱够浓，芝麻酱就有少少麻既感觉，配串炸食既份量好够 饮品方面系自己拣，有韩式野饮及汽水，唔想要冻既野饮可以问职员，不过有埋热饮提供就好喇 Btw, 我一食左有味精既野就好口喝，但食完都冇口喝。支持无味精小店