421
76
12
等级4
135
0
2022-08-08 740 浏览
Pizza maru都系一间成日听人提起,但我迟迟未去食嘅餐厅,因为觉得每次都系要一大班人share炸鸡pizza先尽兴。今次嚟希慎本身想去另一间cafe但最后都系临时变阵上左嚟13楼,又见pizza maru有lunch set就决定试下。见佢lunch set餐牌主要都系意粉、饭同埋pizza依三类,而且好多都加入左韩式元素,觉得几特别。最后决定同朋友叫左个risotto同埋pizza share食,而且午市套餐亦会包冰茶/汽水。海鲜紫菜意大利饭 ($98)本身睇个名其实对依个饭无咩期待,好似平平无奇咁,但嚟到发现同我想像中嘅都几唔同。佢嘅risotto系用左周打砚汤煮,食落非常香口creamy而且有鲜味,食完第一啖即刻觉得好惊艳,咁啱我系好中意周打砚汤,有令我觉得好似饮紧汤嘅味道,非常match。觉得依个饭好好食!如果唔系同朋友share嘅话好想一个人食哂成碟。韩式香辣烤肠薄饼 ($98)pizza系9吋regular size,唔好睇佢净系切左6块,但其实分量系超级多。pizza系用左韩式辣酱做底层,配料上面有年糕、鱼片、肠仔。个人觉得年糕食落有少少过硬,口感好似食紧橡皮...
更多
Pizza maru都系一间成日听人提起,但我迟迟未去食嘅餐厅,因为觉得每次都系要一大班人share炸鸡pizza先尽兴。今次嚟希慎本身想去另一间cafe但最后都系临时变阵上左嚟13楼,又见pizza maru有lunch set就决定试下。

见佢lunch set餐牌主要都系意粉、饭同埋pizza依三类,而且好多都加入左韩式元素,觉得几特别。最后决定同朋友叫左个risotto同埋pizza share食,而且午市套餐亦会包冰茶/汽水。

海鲜紫菜意大利饭 ($98)
本身睇个名其实对依个饭无咩期待,好似平平无奇咁,但嚟到发现同我想像中嘅都几唔同。佢嘅risotto系用左周打砚汤煮,食落非常香口creamy而且有鲜味,食完第一啖即刻觉得好惊艳,咁啱我系好中意周打砚汤,有令我觉得好似饮紧汤嘅味道,非常match。觉得依个饭好好食!如果唔系同朋友share嘅话好想一个人食哂成碟。

韩式香辣烤肠薄饼 ($98)
pizza系9吋regular size,唔好睇佢净系切左6块,但其实分量系超级多。pizza系用左韩式辣酱做底层,配料上面有年糕、鱼片、肠仔。个人觉得年糕食落有少少过硬,口感好似食紧橡皮...但除此之外其他野嘅味道都ok必须承认依个配搭系几新鲜,无谂过韩式风味可以同pizza融合,而且唔会觉得好奇怪。饼底厚薄适中,唔会太干身,不过有啲可惜今次嚟试唔到大家都推荐嘅芝加哥薄饼底。

pizza分量好多,我地两个人最后都食唔完要打包,怀疑一个人有无可能可以食得哂。以依个价钱$100唔洗,我觉得系几抵食。同埋觉得依间餐厅嘅氛围都几适合一大班人嚟聚餐。
22 浏览
0 赞好
0 留言

39 浏览
0 赞好
0 留言

101 浏览
0 赞好
0 留言

98 浏览
0 赞好
0 留言



(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2022-07-07
用餐途径
堂食
用餐时段
午餐